Առ Աստված հավատքը նպաստում է, որ լինենք մեր երկրի, պետության և քաղաքի գիտակից քաղաքացիներ: Մենք մեր մտքում պահելով մեծ պատկերը, կհիշենք, որ բոլորս Աստծո որդիներն ու դուստրերն ենք, այսինքն` բոլորս եղբայրներ և քույրեր ենք: Հնարավոր ամեն ինչ անելով, որպեսզի լավ քաղաքացի լինենք, մենք մեր շրջապատող աշխարհն ավելի կգեղեցկացնենք, ավելի խաղաղ ու արդար վայր կդարձնենք մեր ընտանիքների և մեր մերձավորների համար:
Ինչպե՞ս կարող ենք օգնել մեր համայնքում: Ի՞նչ ենք մենք անում, որպեսզի մեր երկիրն ավելի լավ վայր դարձնենք: Լավ քաղաքացի լինելն այնքան պարզ է, որքան քաղաքական հարցեր քննելը, որպեսզի լավատեղյակ ընտրողներ լինենք, կամ ֆուտբոլի լիգա կազմակերպելը, որպեսզի մեր բակի երեխաները դպրոցից հետո ուրախ ժամանակ անցկացնեն և ապահով լինեն: Կամ գուցե մենք ցանկանում ենք անդրադառնալ ավելի մեծ խնդրի, որ դիմակայում է մեր քաղաքը կամ պետությունը, օրինակ` ուղիներ գտնել հանցագործությունը պակասեցնելու կամ տեղական գրադարանը բարելավելու համար: Ամեն դեպքում, ցանկություն ունենալով բարելավել մեզ շրջապատող աշխարհը, կարող ենք վստահ լինել, որ «երբ դուք ձեր մերձավորների ծառայության մեջ եք, դուք սոսկ ձեր Աստծո ծառայության մեջ եք» (Մոսիա 2.17):
Նույնիսկ այն բանից հետո, երբ տեղական կառավարությունը նրանց տարբեր բնակավայրերից արտաքսել էր, իսկ դաշնային կառավարությունը հրաժարվել էր պաշտպանել նրանց, երբ վաղեմի մորմոններին խնդրեցին, նրանք մի գումարտակ զինվորներ ուղարկեցին կռվելու Մեքսիկո-Ամերիկյան պատերազմում իրենց երկրի համար: Եկեղեցու Հավատո 12-րդ Հանգանակն ասում է. «Մենք հավատում ենք թագավորներին, նախագահներին, կառավարիչներին և մյուս իշխանավորներին հպատակվելուն, օրենքին հնազանդվելուն, այն հարգելուն և պաշտպանելուն»: Նվիրված լինել մեր հավատքին չի նշանակում, որ մենք չենք կարող նվիրվել մեր երկրին: Եկեղեցու նախկին նախագահ Գորդոն Բ. Հինքլին ասել է, որ լավ Մորմոնը «պարտավոր է լինել լավ քաղաքացին այն երկրի, որտեղ նա ծնվել է կամ որը նա ընդունել է որպես իր տուն: Աստծո արքայության քաղաքացին պետք է կանգնի ողջ աշխարհում Աստծո ժողովրդի մեջ լավագույնների շարքում»: Կառավարության ղեկավարներին աջակցելուց և քաղաքացիական գործերին մասնակցելուց բացի, հավատարմություն նաև նշանակում է, որ մենք փորձում ենք մեր երկիրն ավելի լավ վայր դարձնել: Առ Աստված մեր հավատքը և մեր մերձավորների հանդեպ սերը կոգեշնչեն մեզ` օգնել շտկելու մեր երկրի դեմ ծառացած որոշ խնդիրներ:
Մեզանից շատերն ուզում են լավ քաղաքացիներ լինել, բայց միշտ չէ, որ գիտենք ինչպես լինել լավ քաղաքացի: Կարևոր է հիշել, որ մենք չպետք է նվիրաբերենք մեր ողջ ժամանակը և եռանդը լավ քաղաքացիներ լինելու համար: Այդ գործին մեծապես կնպաստի հատկացված մի քանի ժամերը տարբեր տեղերում, կամ հենց մեր ետնաբակում: Ի՞նչ կկատարվի սպորտային փոքր լիգայում, եթե ոչ մի ծնող կամավոր մարզիչ լինելու ցանկություն չհայտնի: Լավ ընկերական հարաբերություններ չեն զարգանա, եթե հարևաններից ոչ ոք հավաքույթ չկազմակերպի: Ի՞նչ կլինի նրանց հետ, ովքեր թողնված են բախտի քմահաճույքին, եթե ոչ ոք կամավոր չօգնի անօթևանների ապաստաններում և բարեգործական ճաշարաններում: Լավ քաղաքացի լինելը սկսվում է տնից, և փոքր գործերից, որ մենք կատարում ենք մեր փողոցն ավելի գեղեցկացնելու համար. դա մեր պատկերացումից ավելի մեծ ազդեցություն կթողնի: Մենք բոլորս ինչ-որ արժեքավոր բան ունենք նվիրաբերելու, ուղղակի պետք է պարզել, թե ինչն է դա, և նվիրաբերենք:
Բացի տվյալ քաղաքի և երկրի քաղաքացիները լինելուց, մենք բոլորս աշխարհի քաղաքացիներն ենք: Աստված ստեղծել է գեղեցիկ աշխարհը, որ մենք ապրենք այստեղ, և մենք այն հարգելու պատասխանատվություն ենք կրում: Մենք կարող ենք ցույց տալ մեր երախտագիտությունը Նրա հրաշալի ստեղծագործության հանդեպ, տեղյակ լինելով, թե ինչպիսի բնական միջոցներ ենք մենք սպառում, և աշխատելով կրճատել, կրկին օգտագործել և վերամշակել դրանք: Աստված տվել է մեզ` «իշխել դաշտի բոլոր գազանների վրա», սակայն այդ տիրապետման հետ միասին գալիս է պատասխանատվությամբ գործելու ակնկալիքը (Մովսես 5.1): Մեզ վստահվել է հոգ տանել երկրի համար, քանի որ այն ոչ միայն պարգև է Աստծուց, այլև մենք կախված ենք դրանից մեր գոյության համար: Մեզանից ոչ բոլորն են իրենց մթերքներն աճեցնում այժմ, ինչպես որ մարդիկ աճեցնում էին նախքան արդյունաբերական հեղափոխությունը, և այդպիսով հեշտ է մոռանալ, թե ինչպես ենք մենք կապված այն հողին, որի վրա մենք ապրում ենք (Մեր ամբողջ ուտելիքը գալիս է մթերային խանութից, այնպես չէ՞): Լավ կլիներ, եթե հիշեինք, թե որտեղից է գալիս մեր այսօրվա հացը: Աստծուն մեր երախտագիտությունը ցույց տալու համար մենք փորձում ենք ջանքեր չխնայել և պահպանել երկրի գեղեցկության և առատության ճիշտ օգտագործումը մեզանից հետո եկող սերունդների համար:
Արդարակեցությունը վեհացնում է ազգին
Լինեք ընտրված գործիչ, դպրոցի ուսուցիչ թե միջին ընտրող, ձեր քաղաքացիական պարտքը կատարելուց է կախված, թե արդյոք աշխարհի ձեր մասը աճ կապրի, թե` անկում: Երկիրը, պետությունը կամ համայնքը նման է ընտանիքի, իհարկե անկատար, սակայն այնքան լավ, որքան տեղի բնակիչները: Պետության ամբողջականությունը կառուցվում է իր քաղաքացիների ձեռքերով: Եթե դուք չեք կարող ձեր երկիրը կատարյալ դարձնել, չի նշանակում, որ ազատված եք պատասխանատվությունից: Եթե ուժեղ բնավորությամբ մարդիկ չեն մասնակցում քաղաքական որոշումների ընդունմանը, որոնք ձևավորում են իրենց կյանքը, մյուսներն ավելի եսասեր նախագծերով կշտապեն լրացնել բացը:
Տուրք վճարիր Կեսարին և Աստծուն
Երբ Փարիսեցիներից մեկը հարցրեց Հիսուսին, թե իր կարծիքով արդյոք պետք է տուրք վճարել կառավարությանը, Նա ասաց. «Կայսրինը կայսրին տվեք և Աստծունը` Աստծուն» (Մատթեոս ԻԲ.21): Մենք պարտք ենք կառավարությանը ճանապարհների համար, որ օգտագործում ենք, դպրոցների համար, որտեղ մեր երեխաները սովորում են, իրավապահ մարմինների համար, որ մեր անվտանգությունն են ապահովում և այլ ծառայությունների համար: Մենք պարտք ենք Աստծուն մեր իսկ գոյության և հավերժական հնարավորությունների համար: Մենք վերադարձնում ենք այդ երկու պարտքը տարբեր միջոցներով, միևնույն ժամանակ մենք պետք է պատվենք մեր երկու պարտատերերին, որպեսզի արժանի լինենք և այս կյանքի օրհնություններին, և գալիք կյանքում խոստացված օրհնություններին:
Թեպետ մենք հավատում ենք որպես Եկեղեցի բարոյական հարցերում մեր դիրքորոշումը արտահայտելուն բոլոր պետություններում, որտեղ մեր կրոնը հաստատված է, մենք չեզոքություն ենք պահպանում քաղաքական կուսակցությունների հարցերում: Եկեղեցու ղեկավարները չեն թելադրում, թե որ թեկնածուին իրենց անդամները քվեարկեն կամ չքվեարկեն, անգամ եթե տվյալ թեկնածուն չի համաձայնվում Եկեղեցու հրապարակայնորեն արտահայտած դիրքորոշման հետ: Եկեղեցու անդամներն ազատորեն կարող են հարել քաղաքական ինչպիսի կուսակցության կամ կազմակերպության իրենք ցանկանում են, վարվելով ըստ իրենց խղճի թելադրանքի:
Բացի այդ, Մորմոններին հորդորվում է լինել ակտիվ քաղաքացիներ, ինչ վերաբերում է քաղաքական հարցերին: Դա միշտ չէ, որ հեշտ է: Որոշ հարցեր այնքան մոտ են տանը և այնքան հակասական, որ դժվար կլինի հարգել այլ կարծիք ունեցողի իրավունքը: Մորմոնի Գրքում Տերն ասում է մեզ, որ «հակառակության ոգին ինձանից չէ, այլ դևից է, որը հակառակության հայրն է, և նա դրդում է մարդկանց սրտերը՝ բարկությամբ վիճելու մեկը մյուսի հետ» (3 Նեփի 11.29):
Գործակալներ մեզ համար
Երբեմն, եթե ընտրված պաշտոնյան հստակ սահմանված հավատամքներով կրոնի կամ կազմակերպության անդամ է, ոմանց մոտ անհանգստություն է առաջացնում այն, որ տվյալ պաշտոնյան կգործի այդ կրոնի կամ կազմակեպության թելադրանքով: Հիսուս Քրիստոսի Վերջին Օրերի Սրբերի Եկեղեցին կրում է այն գաղափարը, որ եկեղեցին և պետությունը առանձին միավորներ են: Մենք հավատում ենք, որ կրոնական իշխանավորները չպետք է միջամտեն քաղաքական հարցերին, իսկ ընտրված պաշտոնյաները կամ պետական ծառայողները միանգամայն ազատ են իրենց պարտականությունները կատարելիս: Եթե որոշ Մորմոններ գործել են այդ սկզբունքներին դեմ, դա եղել է Եկեղեցու հստակ կանոնակարգված սկզբունքների և քաղաքականության խախտում:
Տերը «շնորհել է մարդկանց զավակներին լինելու գործակալն իրենց անձի» (Վարդապետություն և Ուխտեր 104.17): Ընտրված պաշտոնյաները և պետական ծառայողները, ովքեր մորմոններ են, իրենց որոշումներն են կայացնում և պարտադիր չէ, որ նրանք համաձայն լինեն Եկեղեցու հրապարակային դիրքորոշումներին: Եկեղեցին կարող է իր տեսակետներն արտահայտել նրանց, ճիշտ ինչպես նա կաներ մյուս ընտրված պաշտոնյաների հարցում, սակայն այն ընդունում է, որ այդ տղամարդիկ և կանայք պետք է իրենց ընտրությունը կատարեն հիմնվելով իրենց առողջ դատողության վրա, և հաշվի առնելով իրենց ձայն տված ընտրազանգվածին:
Դուք ունե՞ք հարցեր նրա վերաբերյալ, ինչ կարդացել կամ տեսել եք այստեղ, կամ՝ ընդհանրապես, Մորմոնական Եկեղեցու մասին: Զրուցեք մեզ հետ առցանց, մենք ուրախությամբ (կօգնենք ձեզ գտնել պատասխաններ/կպատասխանենք ձեր հարցերին):
Միսիոներների նպատակն է հանդիպել մարդկանց հետ, ովքեր հետաքրքրված են Մորմոնական Եկեղեցով: Եթե դուք հարցեր ունեք, որոնք կցանկանայիք քննարկել նրանց հետ առանձին, մուտքագրեք ձեր տվյալները այստեղ: Ձեր տարածքի միսիոներները ուրախությամբ ավելին կպատմեն ձեզ Եկեղեցու մասին և կքննարկեն ձեր բոլոր հարցերը:
ինչպիսի կուսակցության կամ կազմակերպության իրենք ցանկանում են, վարվելով ըստ իրենց խղճի թելադրանքի: